Vòt ou a enpòtan!
Eleksyon sa a pral fèmen nan Florid; vòt ou a enpòtan. (Dat sa yo se tout pou 2024.)
Men enfòmasyon sou kat idantite, twa fason pou vote, ak transpò.
Enskripsyon (fen 7 oktòb)
Ou dwe enskri anvan oswa nan dat 7 oktòb 2024. Ou dwe yon sitwayen ameriken pou w anrejistre oswa vote.
Si w gen yon kat idantite oswa yon lisans pou kondwi nan Florida
Ou kapab enskri pou vote sou Entènèt an Angle oswa an Panyòl.
Enskri pou vote nan yon biwo
Fòk ou konnen Nimewo Sekirite Sosyal ou, men ou pa bezwen yon kat idantite Florid oswa yon lisans pou kondwi.
Ale nan youn nan biwo sa yo. Yap ba ou yon fòm. Ou ka remèt fòm lan nan biwo a.
Jwenn biwo Sipèvizè Eleksyon nan konte w la.
Jwenn yon biwo kote yo fè lisans.
Bibliyotèk piblik nan zòn ou a.
Nenpòt biwo ki bay asistans piblik (tankou SNAP oswa Medicaid).
Enprime epi poste yon Fòm Enskripsyon Elektè
Telechaje yon fòm enskripsyon elektè sou aparèy ou an.
Fòm sa a disponib an panyòl tou.
Mande zanmi w si w gen pwoblèm pou w jwen yon enprimant.
Poste fòm enskripsyon elektè w la
Sou do fòm enskripsyon elektè a, wap jwenn adrès biwo eleksyon konte w la.
Ekri adrès sa a nan mitan yon anvlòp.
Nan kwen anlè gòch anvlòp la, ekri non w ak adrès ou.
Nan kwen anlè dwat anvlòp la, mete yon tenm pou lapòs. Mete fòm ou ranpli a nan anvlòp la epi sele li. Mete anvlòp ki sele, ki gen tenm sou li, kote lapòs pral pran li, oswa nan yon bwat lapòs, oswa pote l nan yon biwo lapòs.
Èske mwen anrejistre?
Si ou enskripsyon elektè w la reyisi, w ap resevwa yon kat enfòmasyon votè pa lapòs. Li enpòtan pou tcheke enskripsyon w la.
Ale isit la epi klike sou bouton ble a “Am I Already Registered?” (“Èske mwen deja anrejistre?”) Fòm sa a se nan lang angle; klike sou bouton “Español” pou lang panyòl.
Pare kat idantite w pou w vote
Anvan w vote, w ap bezwen yon kat idantite. (Si w vote an pèsòn, asire w ke w pote l avèk ou!)
Didantite w dwe montre foto w ak siyati w. Ou ka pote de pyès idantite, youn pou foto w ak youn pou siyati w.
Kijan pou w fè yon kat idantite Eta Florid:
VoteRiders ka ede w jwenn yon ID Eta Florid gratis.
Ou ka jwenn yon idantite nan yon biwo lisans chofè. (Jwenn biwo konte w la.) Ap gen yon frè (apeprè $25).
Ou dwe pote 3 kalite dokiman:
- Prèv idantite: Pa egzanp, Sètifika Natiralizasyon, Sètifika Sitwayènte, Paspò Ameriken, batistè Ameriken.
- Kat Sekirite Sosyal, chèk/souch peye, SA-1099, oswa yon W-2 oswa 1099 enprime (pa ekri alamen).
- DE (2) dokiman ki montre non w ak adrès ou. Pa egzanp, lèt ou resevwa pa lapòs ki soti nan yon bank oswa ki soti nan yon biro gouvènman an, yon kontra lwaye, papye anrejistreman machin, bòdwo sèvis piblik (bil), kat asirans medikal ki gen adrès ou ladan, fòm W-2 oswa fòm 1099.
Si ou gen yon kat enskripsyon elektè, sa ka youn nan de yo.
Opsyon Vòt ou yo
Reflechi davans sou fason ou vle vote. Li bon pou w pale ansanm, ak zanmi ak nan kominote w, sou plan sa yo.
- Vote pa lapòs: si w mande alè ou ka jwenn yon bilten vòt pa lapòs, ki ka retounen pa lapòs oswa an pèsòn.
- Vòt Bonè: lokal vòt espesyal yo ap louvri apati 26 oktòb.
- An pèsòn: 5 novanm, 7am – 7pm, sèlman nan lokal vòt ou ba w la. Kapab genyen liy long oswa lòt pwoblèm, kidonk nou sijere vote bonè oswa pa lapòs si sa posib.
Èske w gen transpò? Èske ou ka ede pouse lòt moun vote? Gade anba a.
Vote pa lapòs
Ou ka mande yon bilten vòt pa lapòs anvan 24 oktòb. W ap bezwen yon idantite Florid oswa yon lisans chofè Florid. Y ap voye yon bilten vòt ba ou, ak enstriksyon sou fason pou w retounen li.
Pou mande yon bilten vòt pa lapòs:
- Pa telefòn oswa an pèsòn: chèche nimewo telefòn oswa adrès Sipèvizè Eleksyon w lan (klike sou konte w la).
- Pa lapòs: telechaje epi enprime fòm sa a; poste li bay Sipèvizè Eleksyon an (menm adrès ak an pèsòn, pi wo a). Ou ka itilize yon enprimant nan bibliyotèk piblik yo.
Pou mande sou demann ou an, rele Sipèvizè Eleksyon an. Men sit entènèt ofisyèl Eta Florid la konsènan vòt pa lapòs.
Vòt Bonè
Ou ka vote an pèsòn, nenpòt jou apati samdi 26 oktòb jiska samdi 2 novanm. Ale nan yon lokal pou vote bonè, epi pote idantite w.
Lokal pou vote bonè yo ta dwe anonse byento. Ou ka rele Sipèvizè Eleksyon an pou mande sou kote yo. Men sitwèb ofisyèl Eta Florid sou vòt bonè.
Jou Eleksyon an
Madi, 5 novanm 2024, 7am pou 7pm.
Nou sijere pou vote bonè, si sa posib. Nan ka nenpòt pwoblèm, oswa si liy yo long, 5 Novanm pral dènye opòtinite ou. (Nan ane ki sot pase yo, tan tann yo te itilize pou dekouraje moun pou yo vote; pa kite yo vòlè pouvwa ou pou vote!)
Asire w ke w pote idantite w epi ale nan lokal vòt ou ba w pou jou sa a.
Si w nan liy anvan 7pm, yo dwe kite w vote.
Transpò
Reflechi sou vwayaj davans: Èske ou ka kondwi yon zanmi oswa de? Èske yon moun ka pran ou? Èske gen yon bon wout otobis? Èske w ap itilize yon aplikasyon rideshare (Uber oswa Lyft)?
Bezwen yon woulib gratis? Èske ou ka ofri woulib? Rideshare2Vote matche chofè ak pasaje; ou ka itilize fòm entènèt la oswa aplikasyon Android yo. (Gratis, men an Angle.)